Тэрбээр “Дэлхийн улс орнууд шинэ арга замуудыг эрэлхийлж байгаа. Монголын хувьд нэгдмэл төрийн байгууламжтай улс хэдий ч нутгийн өөрөө удирдах байгууллагыг иргэд өөрсдөө сонгож, шийдвэрлэдэг эрх зүйн орчинтой. Энэ цаг үед мега төслүүдээ хөдөлгөх, экспортоо нэмэгдүүлэх, шаардлагатай хууль тогтоомжийг эргэн харах нөхцөл байдал үүсэж байна. Манай нүүрсний үнэ унаж байна. Иймээс цаашид Биржийн тухай хуульд тодорхой өөрчлөлт хийж, энэ асуудалд анхаарч ажиллана. Сангийн сайдаар ахлуулсан ажлын хэсэг пүрэв гарагт хилийн боомтуудад ажиллана. Биднээс шууд хамааралгүй олон улсын нөхцөл байдлаас шалтгаалсан асуудал үүсэж байна. Тэгэхээр энэ асуудлаар Сангийн сайд мэдээлэл хийх байх. Төсөвт одоохондоо тодотгол хийх нөхцөл үүсээгүй байгаа. Төсөв дээр зохицуулалт хийх бүрэн боломжтой гэж харж байна” гэв.
